أولا نبدأ بالسحالي
أول ما يرن جرس الفسحة
- تشوف شلة بنات داخلين الحمام .. اللي تعدل شعرها والثانية تعدل كحلها وكل وحدة منهم تسولف عن أخوها أمس
- كل وحده تمشي وفي جيبها شكولاته وإذا عطيتها شبس تقولك : سوري .. أنا مسوية رجيم .. ( الله اكبر ) .. أول ما ترد البيت على طول تتصل تليفون البقاله اللي على الشارع .. ولا اذا فيه الغداء تزط منه وتخلي البقاله لبعد العصر ..
- والبنات الأذكياء أول ما يرن الجرس تشوفها داخلة غرفة المدرسات تبي المدرسة تشرح لها الدرس اللي كانت غايبه فيه. والي تطل على ابلتها اللي تحبها ولامن الحركات ..<<<هذي ان كنت اسويها
- وبعض البنات اتشوفهم جالسات ورا السلم يحلون واجب الرياضيات اللي ماحلوه في البيت<<<<<هذي انا دايما اعملها بالصباح
- أما الأهم .. تشوف بعض البنات يستأذنون من الحصة قبل الفسحه بثلاث دقايق ويركظون الكافتيريا –يحجزون لهم مكان – وأول ما يرن الجرس الأكل كله مخلص مافيه الاعصير يتهاوشون البنات عليه وأخرتها يطلع منتهي ....
0000000000000000000000000000
والحين نشوف التماسيح
- تلقى واحد منهم نايم طول الحصة وأول ما يرن الجرس يدعي على اليوم اللي دخل فيه المدرسة ( لان حلمه انقطع بسببهم )
- واثنين ينتظرون متى يروح المدير اللي صار له واقف ساعة قدام الصف وأول ما يتحرك خطوتين يشلون شلايلهم وينطون من الطوفة ويهربون من المدرسة ويمرون على كم بقاله في طريقهم وبعد نص ساعة يرجعون المدرسة ..
- وشلة تروح ورا المدرسة ويجلسون يدخنون لين ما يقولون بس وما أمداهم يشفطونها إلا واحد رايح يفتن عند المدير وما يحسون إلا المدير حابسهم في غرفة الاحتجاز ويتصل تليفون على إبائهم .
- ولا منهم إذا رن الجرس تلقاهم بأخر الصف ماسكه معهم طرب و يغنون و يرقصون لين يحيهم المدير و يرقص معهم شوي و يرقص العقال على ظهورهم و إذا انتهت الاغنيه و هو ما أمداه يرقص طقهم طق سنه بساعة .
-وتشوف واحد يروح يركض للدافور (الذكي) حق الصف و يقوله يبي يأخذ منه الواجب وما يرضى ذا و يمسكه و يكسره تكسير لين يبكي و يعطيه الواجب .ويحله و يرمي الدفتر في و جهه و يقوله إذا مرة ثانيه ما تعطيني الدفتر بأخذ دفترك و اقطع الواجب و أعطيك إياه ....
- و تشوف إلي كأنه أول مرة يشوف العيشة من بداية الفسحة إلى نهايتها و هو يأكل و إذا تأخر عن الحصة و جاء المدرس و قاله ليش متأخر قال ما أمداني آكل الفسحة <<<<<أبن الحلال مروق على الفسحة
- أما واحد تشوفه فارش غترته على الأرض ويكمل رقاده ( لان طول الليل ما رقد يشوف فلم ويلعب سوني ولا مبلط على المسن)
ياريت كل واحد منكم قبل يرد يقولنا كيف كان ايام المدرسه وبالذات وقت الفسحه..
الأربعاء أبريل 23, 2008 11:06 am